Te tono tauatanga
Te tono tauatanga
Ka rite ana te whānau ki te tono mō te tauatanga o te whenua, whakapā atu ki ngā kaimahi o te Kōti Whenua Māori — mā rātou koe e āwhina ki te whakarite i tō tono.
Ka hoatu e koe tō pukatono ki te Kōti Whenua Māori (MLC), ka whakahokia e rātou ki a koe:
- he reta whakamōhio kua whakaaetia tō pukatono
- he rihīti mō te $60 mō tō utu i te pukatono
- te ingoa me ngā kōrero whakapā atu mō tō Kaiārahi o te Kōti Whenua Māori.
Ka tae atu ēnei e rua ki te whā wiki i muri mai i tō tuku i tō tono.
Ko ngā rongonga tauatanga ki te Kōti Whenua Māori
Ko te rangahau i tō pukatono
Ka hoatu e te Kōti Whenua Māori tō pukatono ki tētahi Kaiārahi. Māna e rangahau ngā mōhiohio o tō pukatono ki te rapu i ngā whakamārama mō ngā hea, poraka whenua hoki o tō whanaunga. Ka ea tēnei i te wā e tika ana, mehemea he tika te whakatakoto atu a tō pukatono, kāore rānei. Mehemea ka whai pānga atu tō whanaunga ki ngā poraka huhua, he wā roa ki te hauhake i ngā mauhanga o te Kōti Whenua Māori mōna.
Mā te Kōti Whenua Māori hoki e whakapā atu ki Te Tumu Paeroa – te Tarahati Māori – mehemea he moni (moni whiwhi) e noho nama ana ki te rawa.
Katoa ngā mōhiohio ka huraina e tō kaiārahi me ngā mōhiohio ki roto i tō pukatono matua, ka whakaemihia ki roto i tō tāpaetanga hukihuki. Ka hoatu e tō kaiārahi ki tētahi kaiwhakawā o te Kōti Whenua Māori ki te tātari.
He rangi rongonga tauatanga
Ka oti i tō kaiārahi āna rangahau, ka whakatauhia tētahi rangi rongonga tauatanga ki te kōti. Kātahi ka tuku atu ki a koe:
- he reta – he pānui kōti – e whakaū ana i te rangi me te wā o tō rongongatanga
- he kape o tō tāpaetanga hukihuki nāna i tuhi.
Ka whakawhiwhia e koe ki ēnei e rua wiki i mua i tō rongonga.
Āta tirohia te tuhi a ngā ingoa o ngā tāngata i roto i te tāpaetanga hukihuki. Ka whakaōkawatia ēnei kōrero i roto i ngā mauhanga o te Kōti Whenua Māori i muri i tō tauatanga. Ki te kitea kua hē te tuhi atu i muri mai, me tono anō ki te Kōti Whenua Māori ki te whakatika.