Ka whai wāhi tātou ki tētahi kaupapa kē atu ki te whakatupu i te tūhonotanga ki te whenua. Ki te tūhono ki ō tātou whenua me manawanui, me whaiwhairoroa – kia kotahi pūtu i te wā. Engari, mā tēnā pūtu, mā tēnā pūtu o tātou, ka wana ake ētahi atu i roto i te whānau ki te hokihoki ki te whenua. Ka whai pānga tātou ki ō tātou whenua, ka mōhio tātou ki a tātou, ka mōhio hoki ki tō tātou ūkaipō.

Ko te take nui o te whenua

Mehemea he tūmanako ā ngā whānau ki te whakamahi i te whenua, nā mātou i waihanga tētahi pūrongo e kīia nei ko – “Tōku Whenua” – ka whakamārama atu he aha ngā āheinga. Ahakoa kāore e āhei ētahi whenua ki te whakahaere pāmu, whakahaere uru huarākau, he pitomata ki ngā whenua katoa. Mā ā mātou pūrongo koe e āwhina ki te hura i ngā kōrero.

Rapua tō whenua

Ko te ngako o te angitū, o te māia, o te ora o te tiakitanga ko te whakahaere pai. Mā tā mātou rauemi hauora e āwhina ai ngā tiakitanga ki te mārama ki ōna painga, ā, he kupu ārahi hoki ki te whakaputa i ngā tino hua mō te whānau me te whenua.

Mātaitia tō tiakitanga

Nui atu i te 60 ngā āheinga pūtea, whakawhiwhinga, mahi haumi e taea ana e ngā whānau te tono atu ki te whakatupu, ki te tautoko hoki i tō whenua Māori. Tirohia ngā tautoko ki tō rohe.

Rangahaua ngā tahua pūtea

Mehemea he tūmanako āu, ā tō whānau rānei ki te whakatupu i tō whenua Māori, kei ā mātou putunga kōrero e pā ana ki ngā ahumahi hei āwhina atu. Ka whakaaturia ngā momo ahumahi angitū ki tō rohe me ngā whakamārama māu hei tīmata i tēnā ahumahi, i tēnā ahumahi.

Rangahaua ngā kōrero