Back to top
Te tū hei kairīwhi whenua Māori
Te takatū ki te tono kairīwhitanga
Mehemea kei te hiahia koutou ko tō whānau ki te whai i te ara ki te kairīwhitanga, koinei ngā mahi tuatahi. Ki te hia āwhina koe, mā ngā kaimahi a te Kōti Whenua Māori koe e āwhina.
Kia tīmata tō tono tauatanga, kia mau i a koe:
- ngā kōrero mō te tangata o te whānau i mate nōna te whenua
- ngā kōrero mō te hunga e whakaarohia ana e koe ka whai pānga atu ki te taua ki tō rātou whenua.
Mā ngā kaimahi ki te Kōti Whenua Māori (MLC) e whakaū te whenua herekore, te kaporeihana Māori rānei i whai pānga atu te tangata o te whānau. Mā ō kōrero te MLC e āwhina:
- ki te rapu i ngā kōrero e tika ana mō tō tangata o te whānau – kaua ko tētahi atu e ōrite nei ngā ingoa, hei tauira
- ki te taua koe ki ngā whenua katoa e āhei ana, ā
- ki te pupuri whenua ki ngā ringa e tika ana.
He wā pea ki te whakaemi i ēnei kōrero mehemea he nui tō whānau, e noho tāwāhi ana rānei tō whānau. Mō ētahi whānau, ka hia ngā tau. Kāore e aukati i te wā ki te taua whenua, nā reira kei a koe te tikanga.