Up Arrow
Back to top
Mā te whenua e whanake ai te whānau
Rapua Tupu.nz
Reo: English | Māori
Reo: English | Māori

Tūhono

Rapua tō whenua

Tīkina ake tētahi pūrongo mō tō whenua Māori.

Me he wawata ō te whānau e pā ana ki te whenua Māori, arā, ko te whakatū pāmu, ko te whakahoki rānei i te whenua ki tōna āhua taketake, tērā pea, ka kitea ētahi ara hei whai māu i roto i ngā pūrongo o Tōku Whenua. Ehara i te mea, e tika ana ngā whenua katoa hei whakatū pāmu, hei whakatō huarākau rānei, heoi, kei tēnā me tēnā poraka whenua ōna anō painga. Tērā pea, mā ā mātou pūrongo e hura mai ai aua painga.

Tuhia te ingoa o tō whenua, te ingoa o te rōpū tiaki, te tau rānei o te poraka:

  • hei kimi i tō whenua — ka kite koe i ngā rohenga o te whenua, ka kitea hoki te tū o te whenua ki runga i te mahere
  • hei tirotiro i ngā whakaahua arorangi mō te āhua o te whenua ināianei
  • hei rapu i ngā kōrero mō te taiao, mō te taha ōhanga me te huarere o te rohe kei reira te whenua
  • hei tiki ake i ngā kōrero mō te whenua tonu, arā, mō te one, mō te wai, mō te taiheke o te papa me ngā momo tipu — waihoki ko ngā painga ka hua mai i ērā āhuatanga.

He mea nui kia mōhio ai koe kei hea ō whenua e takoto ana — kia kitea, kia rangona ōna āhuatanga. Mehemea kāore anō ō waewae kia tau ki ō whenua, kei wāhi kē rānei koe e noho ana, mā tēnei pūrongo ka tīmata mai tō hononga ki tō whenua. Ka mōhio pū koe ki te wāhi e tū ana tō whenua, ka mārama koe ki tō tūranga hei kaitiaki.

Te hīranga o te whenua

Toro atu ki ngā putunga kōrero mō te whenua

Tukua atu

Rapua tō whenua — Kape matihiko [PDF 2.8MB]

Rapua tō whenua — Kia tāia ki te pepa [PDF 188KB]

Rapua tō whenua

Rapua tō whenua kia kitea i runga mapi me ngā kōiriiri mōhiohio e pā ana ki te taiao, ki te ohanga, ki te āhuarangi i te rohe – me te pitomata o ērā.