Up Arrow
Back to top
Mā te whenua e whanake ai te whānau
Rapua Tupu.nz
Reo: English | Māori
Reo: English | Māori

He aha tēnei hanga te hiranga

Te Tohu Ahuwhenua – Te hiranga i roto i te ahuwhenua Māori

Ko te tikanga o Te Tohu Ahuwhenua ko te whakanui me te whakamihi i te hiranga o te mahi ahuwhenua Māori.

A man speaking on stage for the Ahuwhenua Awards.

Ka tū te whakataetae Ahuwhenua Trophy ia tau, ā, ka whakawhiti ki te whakanui i ngā wāhanga e toru o te mahi pāmu, arā, te:

  • pāmu kau
  • pāmu hipi me te kau
  • ahuone.

He taonga hoki ia tau mō te “Kaipāmu Rangatahi Māori”.

Ko te hitōria o te tuku taonga Ahuwhenua Trophy

Ka whakatūria te whakataetae Ahuwhenua Trophy i te tau 1933 e Tā Apirana Ngata rāua ko te Kawana Tianara, ko Lord Bledisloe. Ko te whāinga matua o te whakataetae ko te whakatupu i ngā pūkenga me ngā tautōhitotanga i roto te mahi pāmu Māori. He mea kite e Tā Apirana Ngata te hirahiratanga o te pupuri me te whakapakari i te whenua Māori, ā, ko te Ahuwhenua Trophy tētahi kaupapa ki te akiaki i te whakawhanaketanga o te whenua i te hekenga o te wā.

Ka hikitia tēnei kaupapa i ngā tau 1990, ka whakarewahia anōtia ngā taonga i te tau 2003. Atu i tērā wā, kua tū ngā pakihi pāmu Māori hei wāhanga hirahira o te ōhanga o Aotearoa. I tēnei rā ko te Ahuwhenua Trophy te taonga mana nui i roto i ngā mahi pāmu Māori.

  • 1933 – whakatūria ai ngā tohu Ahuwhenua Trophy.
  • 1954 – ka weheruatia te whakataetae ki ngā taonga e rua – pāmu kau me te pāmu hipi me te kau. He taonga ki ia wāhanga.
  • 1990 – ko te tau whakamutunga o te whakataetae tūturu i te mea i heke te hiahia ki te Ahuwhenua Trophy i ngā tau 1980.
  • 2003 – ka whakatūria anōtia te Ahuwhenua Trophy. I whakahoungia te whakataetae ki te huringa o te mahi pāmu Māori ki roto i a Aotearoa me te nui o te kaporeihana Māori me ngā tarahati i roto i te rāngai mahi pāmu.
  • 2005 – ka tīmata te whakawhiti tau o te whakataetae ki te whakanui i te hiranga o te pāmu kau me te pāmu hipi, pāmu kau.
  • 2012 – ka whakatūria tētahi tohu hou mō te kaipāmu rangatahi Māori.
  • 2019 – ko te whakataetae Ahuwhenua Trophy ka tāpiri ko te mahi ahuone.

Tirohia te pae tukutuku Ahuwhenua Trophy

Tirohia ngā tauira o ngā mahi me te angitū

I te mea kua roa ēnei tohu o te Ahuwhenua Trophy e haere ana atu i te tau 1933, e hia kē nei ngā paki ka whakaatu atu i te angitū me te kaitiakitanga i roto i te rāngai ahuwhenua Māori.

Mehemea ko ō tarahati, ō kaipupuri e hiahia ana ki te whakawhanake i tō whenua hei pāmu, he rawe ngā kōrero paki a Ahuwhenua Trophy. Ka whakaaturia ngā mahi a ētahi ki te whakatupu i ā rātou pakihi pāmu me ngā whakamārama i tae pēhea atu rā ki te wāhi e tau atu ai i tēnei rā.

Mātakitakihia a Joe Wharekura – Toa i te tau 1945

Mātakitakihia a Tame Pukunui – Toa i te tau 1942

Mātakitakihia ngā kiriata Ahuwhenua Trophy katoa ki runga YouTube

Ko ngā painga o te tono atu kia uru ki te whakataetae

Mehemea kua tīmatahia kētia tō tarahati ki te whakawhanake i tō whenua hei pāmu, ko te tono ki te Ahuwhenua Trophy e tohu ana e pēhea ana ō mahi. Ahakoa, kāore pea koe e whakaaro kua eke tō pakihi ki te toatanga, mā te whakauru koe e whiwhi kōrero e aha ana koe. He āheinga māu ki te:

  • whakapau mahara kua oti i a koe te aha
  • mōhio kei hea koe ināianei
  • whiwhi whakahoki kōrero atu i ngā mātanga i runga i ngā mahi kua oti
  • rongo me pēhea e whakapai, e whakatupu hoki i tō pakihi i te hekenga o te wā.

He āheinga hoki māu ki te whakapā atu ki ētahi atu i roto i te rāngai pāmu e rite ana ā rātou mahi ki ō mahi. Ka tū pea rātou hei kaiārahi māu, hei taringa whakarongo, hei whakahoki kōrero rānei i ngā wā o te hiahia.

Ko te tono ki ngā tohu e mea ana ka whakahoki kōrero ngā mātanga o tēnei mahi i te āhua o tō pakihi e āhei ana koe ki te:

  • tohu i te pae tutuki o ō mahi ināianei, me
  • rongo me pēhea e whakapai ake i tō pakihi i te hekenga o te wā.

Whakauruhia ki te whakataetae Ahuwhenua Trophy

Whakaahua — John Cowpland, Alphapix.